ನನ್ನಜ್ಜಿ ಬದುಕಿರುವುದು ಅವಳ ಹಾಡುಗಳಲ್ಲಿ: ಅನನ್ಯ ತುಷಿರಾ ಬರಹ

ಎಷ್ಟೋ ಬಾರಿ ಸಣ್ಣ ಪುಟ್ಟ ಸಂಗತಿಗಳಿಗೆ ಸೋತು ಹೋದಂತಾಗುತ್ತದೆ. ಏರಿ ನಿಂತ ಎತ್ತರ ಸುಲಭಕ್ಕೆ ದಕ್ಕಿಲ್ಲವಾದರೂ ನಿಭಾಯಿಸುವಲ್ಲಿ ಅಲುಗಾಡಿದಂತಾಗುತ್ತದೆ. ಅಂಥ ಸಂದರ್ಭದಲ್ಲಿ ಹುಟ್ಟುವ ಪ್ರಶ್ನೆಗಳಿಗೆ ಉತ್ತರವಾಗಿ ಒಂದು ಬೆಳಕು ಕಾಣುವುದು ನನ್ನಜ್ಜಿಯ ಬದುಕಿನಿಂದ. ಅವಳ ಹಾಡುಗಳಿಂದ. ಬದುಕು ಕಟ್ಟುವ ಹೊತ್ತಿಗೆ ಸಂಗಾತಿಯ ಸಾವು ಕಂಡೂ ಕೂಡ ಬದುಕ ಹಾಡು ಕಟ್ಟಿದವಳು ನನ್ನಜ್ಜಿ. ‘ನನ್ನಜ್ಜಿಯ ಜೀವನವನ್ನೂ, ಜನಪದ ಹಾಡುಗಳನ್ನೂ ಬಿಡಿಸಿ ಪ್ರತ್ಯೇಕವಾಗಿ ನೋಡಲು ಸಾಧ್ಯವಿಲ್ಲ ನನ್ನಿಂದ’ ಎನ್ನುವಷ್ಟು ಆ ಪದಗಳು ಅವಳ ಹಾದಿಯಲ್ಲಿ ಬೆರೆತು ಹೋಗಿವೆ.
ಚಿಕ್ಕಂದಿನಲ್ಲೇ ತಮ್ಮ ಗಂಡನನ್ನು ಕಳೆದುಕೊಂಡರೂ ಬದುಕನ್ನು ಧೈರ್ಯವಾಗಿ ಎದುರಿಸಿ, ಹಾಡುವ ಹಾಡುಗಳಲ್ಲಿ ಹಳೆಯ ನೆನಪುಗಳನ್ನು ತಂದು, ಬದುಕನ್ನು ಚಂದವಾಗಿಸಿ ಬದುಕಿದ ತಮ್ಮ ಅಜ್ಜಿಯ ಕುರಿತು ಅನನ್ಯ ತುಷಿರಾ ಬರಹ ನಿಮ್ಮ ಓದಿಗೆ

(ಸಾಂದರ್ಭಿಕ ಚಿತ್ರ)

ಅನನ್ಯ ತುಷಿರಾ (ಸವಿತಾ ಆರ್. ಇನಾಮದಾರ)

ಸವಿತಾ ಆರ್. ಇನಾಮದಾರ ಮೂಲತಃ  ಬಿಜಾಪುರ (ವಿಜಯಪುರ) ಜಿಲ್ಲೆಯ ತಾಳೀಕೋಟೆಯವರು. ಆರು ವರ್ಷಗಳ ಕಾಲ ಸರಕಾರಿ ಪ್ರೌಢ ಶಾಲಾ ಶಿಕ್ಷಕರಾಗಿ ಕೆಲಸ ಮಾಡಿ ಸಧ್ಯ ಪ್ರಸ್ತುತ  ವಾಣಿಜ್ಯ ತೆರಿಗೆ ಇಲಾಖೆಯಲ್ಲಿ ಉಪ ಆಯುಕ್ತರಾಗಿ ಕಾರ್ಯ ನಿರ್ವಹಿಸುತ್ತಿದ್ದಾರೆ. ಅನನ್ಯ ನಿನಾದ (ಕವನ ಸಂಕಲನ), ಅರ್ಧ ನೆನಪು ಅರ್ಧ ಕನಸು (ಕಥಾ ಸಂಕಲನ), ಹನಿ ಮಳೆಯ ಮಣ್ಣ ಕಂಪು (ಕಥಾ ಸಂಕಲನ) ಇವರ ಪ್ರಕಟಿತ ಕೃತಿಗಳು. ಬರಹಕ್ಕೂ ಹೆಚ್ಚು ಪ್ರೀತಿ ಓದಿನ ಮೇಲೆ. ಸುಮ್ಮನೆ ಹೊರಟು ಬಿಡುವ ಪ್ರವಾಸ, ಪ್ರಕೃತಿಯ ಮಡಿಲು, ಫೋಟೋಗ್ರಫಿ, ಪೆನ್ಸಿಲ್ ಸ್ಕೆಚ್ ಇವರ ಆಸಕ್ತಿಗಳು.