೧
ತಿಳಿದಿತ್ತು, ನಕ್ಷತ್ರಗಳು ಕೈಗೆಟುಕದ ಕನಸುಗಳೆಂದು
ಆದರೂ, ಹಿಡಿಯಲು ಹೋಗಿ ವಿವಶನಾಗಿ ಕುಳಿತೆ

೨
ಒಮ್ಮೆ ಅನಿಸಿದ್ದು, ಪಾರಿಜಾತವಾಗಿದ್ದರೆ ಸಾಕಿತ್ತು
ಹೀಗೆ ನಿತ್ಯ ನೊಂದು ಸಾಯದೆ ಸಂಜೆ ಘಮಿಸಿಲು

೩
ನೀನು ಭುವಿಯಾದೆ, ನಾನು ಬಾನಾದೆನು
ಕೊನೆಗೂ, ನಾವು ಸಂಧಿಸದೆ ಕ್ಷಿತಿಜವಾದೆವು

೪
ಕನಸುಗಳು ಕಾಣದಂತೆ ಕಣ್ಣೊಳಗೆ ಕಾಡಿದವು
ಬೆಳಗಲಿ ಅರಿವಿಲ್ಲದೆಯೇ ಬಾನಿಗೆ ಜಿಗಿದವು

೫
ಮಳೆ ಸುರಿದು ನೆಲ ಹದವಾಯಿತು ಖುಷಿಯಲಿ
ನೀನಿಲ್ಲದೆ ಬರಡಾಯಿತು ಈ ಎದೆ ಇರುಳಲಿ‌

(ಕಲೆ: ರೂಪಶ್ರೀ ವಿಪಿನ್)