ಖಾಲಿ ಬೊಗಸೆಯ ಹನಿಗಳು
ತೇಲುತ್ತಿವೆ
ಬಯಕೆಗಳ ಹೆಣಗಳು
ಖಾಲಿ ಬೊಗಸೆಯಲಿ
ಬೊಗಸೆಯೇನೂ
ಖಾಲಿಯಿದೆ
ತುಂಬಿಸುವ
ತವಕವೇ ಜೀವಂತ-
-ಇಲ್ಲವಷ್ಟೇ !
ಖಾಲಿ ಬೊಗಸೆ
ತುಂಬಿ ತುಳುಕುತ್ತಿದೆ
ಒಡೆದ ಹೃದಯದ
ಚೂರುಗಳಿಂದ
ಸಿಂಗರಿಸಿದೆ
ಖಾಲಿ ಬೊಗಸೆಯನ್ನು
ಕೆಂಪು ಕೆಂಪಾದ ಹೂಗಳಿಂದ
ಮೆತ್ತಿದ ರಕ್ತ ಕಲೆಗಳ
ಮರೆಮಾಚಲು
ದಿಟ್ಟಿಸಿದೆ
ಖಾಲಿಬೊಗಸೆಯನ್ನು
ಕಾರುಣ್ಯದ ಕಂಗಳಿಂದ
ಬೆಳಕೊಂದು ತುಂಬಿತು
ಕಿರುಬೆರಳ ಮೋಹ
ಖಾಲಿಬೊಗಸೆಗೆ
ಹರಿಯಿತು
ಈಗ ಚಿಟ್ಟೆಗಳ
ಕಲರವ!
ದಾಕ್ಷಾಯಣಿ ಮಸೂತಿ ಪ್ರಾಥಮಿಕ ಶಾಲೆ ಶಿಕ್ಷಕಿಯಾಗಿ ಕುರುಗೋಡು ತಾಲ್ಲೂಕಿನ ಬಾದನಹಟ್ಟಿಯಲ್ಲಿ ಕಾರ್ಯನಿರ್ವಹಿಸುತ್ತಿದ್ದಾರೆ.
“ಊದ್ಗಳಿ” ಇವರ ಪ್ರಕಟಿತ ಕವನ ಸಂಕಲನ.
ಕೆಂಡಸಂಪಿಗೆ ಸಂಪಾದಕೀಯ ತಂಡದ ಆಶಯ ಬರಹಗಳು ಇಲ್ಲಿರುತ್ತವೆ
ಚಿಟ್ಟೆಗಳ ಕಲರವಕವಿತೆಯ ತುಂಬಾ
ಚೆನ್ನಾಗಿದೆ