ಡೋ.ರ. ಬರೆದ ಈ ದಿನದ ಕವಿತೆ

ಅಂಗಳದ ಜಿಟಿಜಿಟಿ ಮಳೆಗೆ
ಒಳಗೆ ಭೋರ್ಗರೆವ ಅಲೆಗೆ
ನನ್ನೊಳಗಿನ ಭಾವ
ತಪಸ್ವಿ!

ಜಗವೆಲ್ಲಾ ಹಾಡು, ಹಬ್ಬ
ನಾ ಸದಾ ಭ್ರಮಿತ
ಒಳಗೆಲ್ಲಾ ರಾಶಿ ಹೂವು
ಹೂರಗೆ ಓಗೊಡದ ಸ್ವರ
ಶಬ್ದವಿಲ್ಲದ ಈ ಮಾತು ಅಸಹನೀಯ
ಹೀಗೆಕೆ ನಾ ಮೌನಿ?

ಕೇಳು ಈ ಪರಿಭಾಷೆ,
ಕಡಲು ಹರಿದಷ್ಟು ತೊರೆ
ದಡ ಮುಟ್ಟದ ನದಿ, ಖಾಲಿಯಾಗುವುದೇನು?
ತುಂಬಿಕೋ ಒಳಜಗವ, ಹೂರಕ್ಕೆ ಅಂತರವಿರಲಿ
ಭಾರವೇನಲ್ಲ, ಬರೆದೇ ಬರಿದಾಗು ಒಮ್ಮೆ
ಹೊರನಡೆದುಬಿಡು ಮೌನವಾಗಿ,
ಬದುಕಿಗೊಂದೆ ದಾರಿ
ನಿನ್ನೊಳದಾರಿ!

ಡೋ.ರ

ಡೋ.ರ (ಡಯಾನ.ಕೆ.ಕೆ) ಉದಯೋನ್ಮುಖ ಬರಹಗಾರ್ತಿ ಮತ್ತು ಗಾಯಕಿ. ಊರು ಮೈಸೂರು. ಮಾತೃಭಾಷೆ ಕೊಡವ.