”ನನ್ನ ಮೊದಲ ‘ಕರ್ಮಭೂಮಿ’ ಸ್ಕಾಟ್ ಲ್ಯಾಂಡ್. ಇಲ್ಲಿನ ಜನರು ಇಂಗ್ಲೆಂಡನ್ನು ಬಹುತೇಕ ಭಾರತೀಯರಂತೆಯೇ ಒಳಗೊಳಗೇ ದ್ವೇಷಿಸುತ್ತಾರೆ. ಈ ಕಾರಣಕ್ಕೆ ಬ್ರಿಟಿಷರಿಂದ ದಬ್ಬಾಳಿಕೆಗೊಳಗೊಂಡ ಸ್ಕಾಟರಿಗೂ ನಮಗೂ ಒಂದು ಸಮಾನತೆಯಿದೆ. ಸ್ಕಾಟ್ ಲ್ಯಾಂಡ್ ಯು.ಕೆ. ಯ ಅವಿಭಾಜ್ಯ ಭಾಗವಾದರೂ ತಾವು ಬೇರೆಯಾಗಬೇಕೆನ್ನುವ ಕನಸು ಇಲ್ಲಿಯ ಜನರಿಗಿದೆ. “

”ಅಶ್ಲೀಲವಾದ, ವಿಚಿತ್ರವಾದ, ಘನಘೋರ ಹೆಸರುಗಳನ್ನು ಓದುತ್ತಿದ್ದರೆ ಸೋಜಿಗವಾಗುತ್ತದೆ. ಏನಾದರಾಗಲಿ, ಯು.ಕೆ.ಯ ಉದ್ದಗಲಕ್ಕೆ ಪ್ರಯಾಣ ಮಾಡಿ, ವಾಸ ಮಾಡಿರುವ ನಮಗೆ ಈ ಹೆಸರುಗಳನ್ನು ಓದಿದಾಗೆಲ್ಲ ನಗು ಬರುವುದು ನಿಂತಿಲ್ಲ.

ಈ ದೇಶಕ್ಕೆ ಮೊದಲು ಬಂದಾಗ ಎಲ್ಲ ಇಂಗ್ಲಿಷರೂ ನನ್ನ ಕಣ್ಣಿಗೆ ಒಂದೇ ರೀತಿಯಲ್ಲಿ ಕಾಣುತ್ತಿದ್ದರು. ಇದೀಗ ಪ್ರತಿ ದಿನ ಹಲವು ಮಂದಿಯೊಂದಿಗೆ ಬೆರೆಯುವ ಕಾರಣ ಈ ಸಮಾಜದ ವಿವಿಧ ಸ್ತರದ ಜನರನ್ನು ಬಹುತೇಕ ನೋಟದಿಂದಲೇ ವಿಂಗಡಿಸುವ ಅನುಭವ ಬಂದಿದೆ

”ಸಿರಿಯಾ ದೇಶದಿಂದ ಬಂದಿದ್ದ ನನ್ನ ವೈದ್ಯ ಸಹೋದ್ಯೋಗಿಯೊಬ್ಬ ಹೊಟ್ಟೆ ದಪ್ಪಗಿದ್ದ ಹೆಂಗಸು ರೋಗಿಯನ್ನು “ನೀನು ಗರ್ಭಿಣಿಯಾ?” ಅಂತ ಕೇಳಿದ್ದಕ್ಕೆ ಆಕೆ ಆತನ ಬಗ್ಗೆ ಲಿಖಿತ ದೂರು ಸಲ್ಲಿಸಿದ್ದಳು! ಅಸಲು ಅವಳು ಗರ್ಭಿಣಿಯೇ ಆಗಿರಲಿಲ್ಲ.