ಅತೀವ ಸಂತಸ ಮತ್ತು ವಿಪರೀತ ವಿಷಾದ- ಇವೆರಡು ಭಾವಗಳು ಮನುಜನ ಅಂತರಂಗವನ್ನು ತೆರೆದಿಡುವ ಅತೀ ಮಹತ್ವದ ಹಂತಗಳು. ಈ ಎರಡು ಹಂತಗಳಲ್ಲಿ ಹರಿದುಬಂದವರ ವ್ಯಕ್ತಿತ್ವದೊಳಗಿರುವ ಸಕಲ ಸಂಗತಿಗಳೂ ಬಹಿರಂಗಗೊಳ್ಳುತ್ತವೆ. ಈ ಬಗೆಯ ಮನೋಭೂಮಿಕೆಯನ್ನು ಆಧಾರವಾಗಿಟ್ಟುಕೊಂಡು ಹೇಳುವುದಾದರೆ ಯುದ್ಧಾನಂತರದ ಕುರುಕ್ಷೇತ್ರ ಭೂಮಿ ದುರ್ಯೋಧನನ ವ್ಯಕ್ತಿತ್ವದ ಬಹುಮುಖತೆಯನ್ನು ಹೊರಗೆಡಹುವಲ್ಲಿ ಸಫಲವಾಗಿದೆ. ಅಶೃಗದಿಂದಾಗಿ ಬಿಳಿಯ ಬೆಳಕಿನ ಹಲವು ಬಣ್ಣಗಳು ವ್ಯಕ್ತಗೊಂಡಂತೆ, ದುರ್ಯೋಧನನ ಛಲದ ಪರ್ಯಾವಸಾನವನ್ನು ಸಾರುವ ಕುರುಭೂಮಿ ಛಲದ ಹೊರತಾಗಿ ಆತನಲ್ಲಿದ್ದ ಗುಣಸ್ವಭಾವಗಳನ್ನು ಮೂರ್ತಗೊಳಿಸುತ್ತದೆ.
ಡಾ. ವಿಶ್ವನಾಥ ನೇರಳಕಟ್ಟೆ ಬರಹ