“ಅರೆ ಏನಿದು? ನೊಡಿದೆ ಕನ್ನಡಕ ಸರಿಪಡಿಸಿ!
ಹರಿದಾಡುತ್ತಿದ್ದವು ಒಂದಿಷ್ಟು ಇರುವೆಗಳು
ಅರಿವಿನ ಅಕ್ಷರಗಳೇ ಮೈಪಡೆದು ಚಲಿಸಿದಂತೆ!

ಕಿಲಕಿಲನೆ ನಕ್ಕಳು ನಕ್ಷತ್ರ ಹೊಳೆದಂತೆ
ಬೆನ್ನ ಹಿಂದೆ ನಿಂತ ಪುಟ್ಟ ಮೊಮ್ಮಗಳು
ಸಕ್ಕರೆ ಹಿಡಿದ ಅಕ್ಕರೆಯ ಚಿಕ್ಕ ಕೈಗಳಿಂದ
ಪಟಪಟನೆ ಚಪ್ಪಾಳೆ ತಟ್ಟುತ್ತ!” -ವೈ ಬಿ ಹಾಲಬಾವಿ ಬರೆದ ಈ ದಿನದ ಕವಿತೆ

“ಗಾಢ ನಿದ್ರೆಯ ಕನಸಲಿ ಸಿಕ್ಕ ಪಾತ್ರದಂತೆ,
ಆಪ್ತನೆನಿಸಿದರೂ ಅಪರಿಚಿತ —
ನೆನೆದಷ್ಟು ಮಬ್ಬು ಮಬ್ಬು.

ಮನೆಯವರನ್ನು ಕೇಳಿದರೆ
“ನೀನೇ” ಎಂದು ನಗುತ್ತಾರೆ,
“ಎಷ್ಟು ಚೆಂದ ಇದೆ ಇದು” ಎಂದು ಹೊಗಳುತ್ತಾರೆ.” -ಸುಮುಖ ಭಾರದ್ವಾಜ ಜಿ.ವಿ. ಬರೆದ ಈ ದಿನದ ಕವಿತೆ

“ಮುಸ್ಸಂಜೆ ಮನೆ ಹೊರಗೆ
ಗದ್ದೆಹಾಳಿಯ ಮೇಲೆ
ಬಿದ್ದುಗಿದ್ದುಬಿಟ್ಟಾನೆಂದು
ಆತಂಕದಿಂದ ಹಿಂದೆ-ಹಿಂದೆಯೇ
ಬೇಡವೆಂದರೂ ಬಂದ
ಮಗನ ಕೈಗೆ,
ಅಂಗಡಿಯಲ್ಲಿ ಕೊಂಡ
ಇನ್ನೊಂದು ಬಿಸಿ ಬೋಂಡದ ಪೊಟ್ಣ ಕೊಟ್ಟು
ಉಫ್ ಎಂದು ಊದುತ್ತ,
ವಾರ್ಧಕ್ಯದ ಊದಿಕೊಂಡ ಕಾಲುಗಳಿಗೆ
ಸವಾಲೊಡ್ಡಿದ್ದವನು”-ಗೀತಾ ದೊಡ್ಮನೆ ಬರೆದ ಈ ದಿನದ ಕವಿತೆ

“ಕದ್ದ ಪೆನ್ಸಿಲ್ಲು
ಗೊತ್ತಾಗದ ಹಾಗೆ
ಪಕ್ಕದವಳ ಬ್ಯಾಗಿಗೆ ತುರುಕಿ
ಸಿಕ್ಕಿ ಬಿದ್ದು ಕಳ್ಳಿಯಾಗುವುದಿತ್ತು
ಬಿದ್ದು ಸಿಕ್ಕ, ಮಣ್ಣೊರೆಸಿಟ್ಟ
ಮಾವಿನ ಕಾಯಿ
ನಾಳೆಯೊಂದು ದಿನದಲಿ
ಹಣ್ಣಾಗುವುದಿತ್ತು” -ಶರೀಫ್ ಕಾಡುಮಠ ಬರೆದ ಈ ದಿನದ ಕವಿತೆ

“ದಶಕ ದಾಟಿತು
ನಮ್ಮಿಬ್ಬರ ಸಂಬಂಧಕ್ಕೆ
ಮಾತುಗಳಿಲ್ಲದೆ ನುಂಗಿಕೊಂಡು
ಹೋದ ನಿನ್ನ ನೋವು ಹೆತ್ತೊಡಲುಗಳ
ನಡುವೆ ಎಬ್ಬಿಸಿದ ಮೌನದ ಅಲೆಗಳು
ಭಯಾನಕ” -ಸಿ.ಬಿ.ಐನಳ್ಳಿ ಬರೆದ ಮೂರು ಕವಿತೆಗಳು