Advertisement
ವಿಜಯಶ್ರೀ ಹಾಲಾಡಿ ಬರೆದ ಈ ದಿನದ ಕವಿತೆ

ವಿಜಯಶ್ರೀ ಹಾಲಾಡಿ ಬರೆದ ಈ ದಿನದ ಕವಿತೆ

ಆತ್ಮದ ಪರಿಮಳವ ಅವಿಸಿಟ್ಟು!

ವಾಟ್ಸಪ್ -ಫೇಸ್ಬುಕ್
ಡಿಪಿ, ಸ್ಟೇಟಸ್‌ಗಳಲ್ಲಿ
ಅಪರೂಪಕ್ಕೆ ಫೋಟೋ ಹಾಕುವಾಗ
ಸಾಧಾರಣದ್ದನ್ನೇ ಹುಡುಕುತ್ತಾಳೆ
ಗಂಡನ ನೆರಳಲ್ಲೇ ನಿಂತಿರುತ್ತಾಳೆ!

ರೇಷ್ಮೆ ಸೀರೆಯುಟ್ಟು
ಮಲ್ಲಿಗೆ ಮುಡಿದು
ಅಪರೂಪಕ್ಕೊಮ್ಮೆ
ಮದುವೆ ಮನೆಗಳಲ್ಲಿ
ಚಂದವಾಗಿ ಕಾಣಿಸಿದ
ಚಿತ್ರಗಳನ್ನು ಗ್ಯಾಲರಿಯಲ್ಲಿ
ನೋಡಿಯೂ ನೋಡದಂತೆ
ದಾಟಿ ಹೋಗುತ್ತಾಳೆ!

ಅವಳ ಅತಿಶಯ ಸೌಂದರ್ಯ
ಯಾರದ್ದೋ ಕಣ್ಣು ಕುಕ್ಕಿ
ಇನ್ಯಾವುದೋ ಅನಾಹುತ
ಸಂಭವಿಸಬಾರದೆಂದು
ಹಿತೈಷಿಗಳೆಲ್ಲ ಆಗಾಗ ತಿದ್ದಿ
ಬುದ್ಧಿವಾದ ಹೇಳಿದ್ದಾರೆ!

ಡಿಪಿಯಲ್ಲಿ ಚೆಲುವು
ಮೇಳೈಸಿದರೆ
ಗಂಡನ ಕಣ್ಣುಗಳೂ
ಕಿಡಿ ಕಾರುತ್ತವೆ
ಅವನ ಸಹೋದ್ಯೋಗಿಗಳೂ
ಹೆಂಡತಿಗೆ ಹೆದರಿಕೆ
ಇರಿಸುವಂತೆ
ಕಿವಿ ತುಂಬುತ್ತಾರೆ!

ಅವಳು ಸಿಂಗರಿಸಿಕೊಂಡು
ಹೊರ ಹೋಗುವುದಿಲ್ಲ
ಫೋಟೋ ತೆಗೆಸುವುದಿಲ್ಲ
ತೆಗೆಸಿದರೂ ಪ್ರದರ್ಶಿಸುವುದಿಲ್ಲ
…
ಮಾರುದ್ದ ಕೂದಲನ್ನು
ಹರಡಿಕೊಳ್ಳುವುದೂ ಇಲ್ಲ!

ಐವತ್ತಕ್ಕೆ ಕಾಲಿಟ್ಟಿರುವ ಅವಳು
ದಿನವೂ ಆಫೀಸಿಗೆ ಹೋಗುವಾಗ
ಮೈತುಂಬ ಸೆರಗು ಹೊದ್ದು
ತಲೆಬಗ್ಗಿಸಿ ನಡೆಯುತ್ತಾಳೆ
ಆತ್ಮದ ಪರಿಮಳವ ಅವಿಸಿಟ್ಟು
ನಿಸ್ತೇಜ ಕಣ್ಣುಗಳಲ್ಲಿ ಕಾಣಿಸಿಕೊಳ್ಳುತ್ತಾಳೆ
ಆ
ಎಡಬಿಡಂಗಿ
ಬೀದಿಗಳಲ್ಲಿ!

About The Author

ವಿಜಯಶ್ರೀ ಹಾಲಾಡಿ

ವಿಜಯಶ್ರೀ ಹಾಲಾಡಿ ಉಡುಪಿ ಜಿಲ್ಲೆಯ ಕುಂದಾಪುರ ತಾಲೂಕಿನ ಹಾಲಾಡಿಯ ಮುದೂರಿಯವರು. ಓದು, ಬರೆಹ, ನಿಸರ್ಗ, ಹಕ್ಕಿಗಳನ್ನು ಗಮನಿಸುವುದು, ಫೋಟೋಗ್ರಫಿ, ಕಾಡಿನ ತಿರುಗಾಟ ಇವರ ಆಸಕ್ತಿಗಳು. ಬೀಜ ಹಸಿರಾಗುವ ಗಳಿಗೆ(ಕವಿತೆ), ಓತಿಕ್ಯಾತ ತಲೆಕುಣ್ಸಿ(ಮಕ್ಕಳ ಕವಿತೆ), ಅಲೆಮಾರಿ ಇರುಳು(ಕಿರುಕವಿತೆ), ಪಪ್ಪುನಾಯಿಯ ಪೀಪಿ(ಮಕ್ಕಳ ಕವಿತೆ), ಸೂರಕ್ಕಿ ಗೇಟ್(ಮಕ್ಕಳ ಕಾದಂಬರಿ), ಜಂಬಿಕೊಳ್ಳಿ ಮತ್ತು ಪುಟ್ಟವಿಜಿ(ಮಕ್ಕಳಿಗಾಗಿ ಅನುಭವಕಥನ) ಪ್ರಕಟಿತ ಕೃತಿಗಳು

1 Comment

  1. Gretta Fernandes

    Very good ಕವಿತೆ ವಿಜಯಶ್ರೀ ಮೇಡಂ 🙌

    Reply

Leave a comment

Your email address will not be published. Required fields are marked *


ಕುಳಿತಲ್ಲೇ ಬರೆದು ನಮಗೆ ಸಲ್ಲಿಸಿ

ನಿಮ್ಮ ಅಪ್ರಕಟಿತ ಬರಹಗಳನ್ನು ಯುನಿಕೋಡ್ ನಲ್ಲಿ ಇಲ್ಲಿಗೆ ಕಳುಹಿಸಿ

editor@kendasampige.com

ನಮ್ಮ ಸೋಷಿಯಲ್‌ ಮೀಡಿಯಾ



ಆನಂದ್‌ ಗೋಪಾಲ್‌ ಬರೆದ ಈ ಭಾನುವಾರದ ಕತೆ “ಆಟ”
https://tinyurl.com/5575hs6r

ಮದುವೆ ಮದುವೆ ಆ ಸಿಹಿ ಪದವೆ
ಲಾಸ್‌ ವೇಗಸ್‌ನ ‘ಲಿಟಲ್ ವೈಟ್ ವೆಡ್ಡಿಂಗ್ ಚಾಪೆಲ್’ ಕುರಿತು ಅಚಲ ಸೇತು ಬರಹ
https://tinyurl.com/2v28abrv

ಭಾರತಕ್ಕೆ ಹತ್ತಿರವಾದ ಅಮೇರಿಕ
ಎಂ.ವಿ. ಶಶಿಭೂಷಣ ರಾಜು ಅಂಕಣ “ಅನೇಕ ಅಮೆರಿಕಾ” ನಿಮ್ಮ ಓದಿಗೆ
https://tinyurl.com/35mrwwsn

Polls

ನಿಮಗೆ ಬೇಕಾದ ಸ್ವಾತಂತ್ರ್ಯ...

View Results

Loading ...

ನಮ್ಮ ಬರಹಗಾರರು

ಕೆಂಡಸಂಪಿಗೆಯ ಬರಹಗಾರರ ಪುಟಗಳಿಗೆ

ಇಲ್ಲಿ ಕ್ಲಿಕ್ ಮಾಡಿ

ಪುಸ್ತಕ ಸಂಪಿಗೆ

ಬರಹ ಭಂಡಾರ