“ಬೆಂದು ಬೂದಿಯಾಗಿ ಬಿಡಬೇಕೆಂಬ
ಜಿದ್ದಿಗೆ ಬೀಳದೆ
ನಿನ್ನ ದಿವ್ಯ ನಿರ್ಲಕ್ಷ್ಯಕ್ಕೆ ಒಳಗಾಗಿ
ಕಡುಕಪ್ಪು ಇದ್ದಿಲಿನಂತಾಗುವ
ಕಳಂಕವನ್ನು
ಸುಲಭದಲ್ಲಿ ಕಳಚಿಕೊಳ್ಳಲಾಗದೆ
ಪ್ರೇಮದ ಹೆಸರಲ್ಲಿ
ಸುಮ್ಮನೆ ಉರಿಯುತ್ತೇನೆ..!”-ಪ್ರಶಾಂತ್ ಬೆಳತೂರು ಬರೆದ ಈ ದಿನದ ಕವಿತೆ

“ಎಂದೂ ಮುಗಿಯದ ಹಾದಿಯ ತಿರುವಿನ ಪಥಿಕನೇ
ನಿನ್ನ ವಿಷದ ಬಟ್ಟಲಿನಲ್ಲದ್ದಿದ
ಗುಲ್ಕುಂದದ ಸಿಹಿ ನನ್ನ ಆವರಿಸುವುದಕ್ಕಿಂತ ಮುಂಚೆ
ದಯಪಾಲಿಸು ನನ್ನೇ ನಾ ಮರೆಯುವ
ಅಮಲಿನಂತಹ ಹೂವ ಪರಿಮಳವನ್ನು” -ಭಾರತಿ ಹೆಗಡೆ ಬರೆದ ಈ ದಿನದ ಕವಿತೆ

“ಅರೆ ಏನಿದು? ನೊಡಿದೆ ಕನ್ನಡಕ ಸರಿಪಡಿಸಿ!
ಹರಿದಾಡುತ್ತಿದ್ದವು ಒಂದಿಷ್ಟು ಇರುವೆಗಳು
ಅರಿವಿನ ಅಕ್ಷರಗಳೇ ಮೈಪಡೆದು ಚಲಿಸಿದಂತೆ!

ಕಿಲಕಿಲನೆ ನಕ್ಕಳು ನಕ್ಷತ್ರ ಹೊಳೆದಂತೆ
ಬೆನ್ನ ಹಿಂದೆ ನಿಂತ ಪುಟ್ಟ ಮೊಮ್ಮಗಳು
ಸಕ್ಕರೆ ಹಿಡಿದ ಅಕ್ಕರೆಯ ಚಿಕ್ಕ ಕೈಗಳಿಂದ
ಪಟಪಟನೆ ಚಪ್ಪಾಳೆ ತಟ್ಟುತ್ತ!” -ವೈ ಬಿ ಹಾಲಬಾವಿ ಬರೆದ ಈ ದಿನದ ಕವಿತೆ

“ಗಾಢ ನಿದ್ರೆಯ ಕನಸಲಿ ಸಿಕ್ಕ ಪಾತ್ರದಂತೆ,
ಆಪ್ತನೆನಿಸಿದರೂ ಅಪರಿಚಿತ —
ನೆನೆದಷ್ಟು ಮಬ್ಬು ಮಬ್ಬು.

ಮನೆಯವರನ್ನು ಕೇಳಿದರೆ
“ನೀನೇ” ಎಂದು ನಗುತ್ತಾರೆ,
“ಎಷ್ಟು ಚೆಂದ ಇದೆ ಇದು” ಎಂದು ಹೊಗಳುತ್ತಾರೆ.” -ಸುಮುಖ ಭಾರದ್ವಾಜ ಜಿ.ವಿ. ಬರೆದ ಈ ದಿನದ ಕವಿತೆ

“ಮುಸ್ಸಂಜೆ ಮನೆ ಹೊರಗೆ
ಗದ್ದೆಹಾಳಿಯ ಮೇಲೆ
ಬಿದ್ದುಗಿದ್ದುಬಿಟ್ಟಾನೆಂದು
ಆತಂಕದಿಂದ ಹಿಂದೆ-ಹಿಂದೆಯೇ
ಬೇಡವೆಂದರೂ ಬಂದ
ಮಗನ ಕೈಗೆ,
ಅಂಗಡಿಯಲ್ಲಿ ಕೊಂಡ
ಇನ್ನೊಂದು ಬಿಸಿ ಬೋಂಡದ ಪೊಟ್ಣ ಕೊಟ್ಟು
ಉಫ್ ಎಂದು ಊದುತ್ತ,
ವಾರ್ಧಕ್ಯದ ಊದಿಕೊಂಡ ಕಾಲುಗಳಿಗೆ
ಸವಾಲೊಡ್ಡಿದ್ದವನು”-ಗೀತಾ ದೊಡ್ಮನೆ ಬರೆದ ಈ ದಿನದ ಕವಿತೆ